印度天然海靈草染髮有竅門

Henna Hair Color

 Henna染髮在印度盛行，除了袋裝無添加的 Henna粉之外，還有不少已調好色的選擇，也有不少品牌，三十多元可以染好幾次。

此後， Henna染髮在印度大行其道，除了正宗無添加 Henna粉之外，還有一些已加了色的草本植物染髮粉，不過香港顧客通常鍾愛無添加 Henna粉， Ka Ka指：「近年好多香港人都同我哋買，因為自然又唔傷頭髮，頭髮有光澤。」

他更笑言：「我哋個個都係用 Henna染髮，染出嚟頭髮滑啲，又少啲甩頭髮。」一大包 Henna粉賣三十多元，長髮可以染四次，短髮可以染六次，連一些大型連鎖書店亦有售賣，但因品牌不同，一包賣約一百元。

畢業於麻省理工學院的化學及生物專家關志邦解釋 Henna染髮的原理：「佢裡面有一種橙紅色的染料 Lawsone（指甲花�），色素會黐落頭髮或者皮膚表面嘅蛋白質，即使用水洗，顏色都係會停留喺頭髮上面一段時間，染出嚟會係啡啡哋。」

原來，一般染髮劑有阿摩尼亞，鹼性重，雖然鹼性令頭髮容易上色，但亦會傷到頭髮，令髮質乾燥，「有啲人甚至對這些化學物質有大反應，聞到會心跳、作嘔作悶，甚至會休克。海靈草冇呢啲物質，屬於天然染色。」關說。

不過，由於 Henna一掂到皮膚就不易甩色，亦易堵塞毛孔，所以染髮時不要掂到頭皮，否則會容易出頭瘡，用之前亦宜先試少少在皮膚上面，看是否有痕癢紅腫等敏感反應。

加蛋添光澤

用 Henna粉染髮，如想顏色更潤更深，就要做些準備功夫， KaKa就教記者點染：「先用滾水浸兩包茶葉，再加兩茶匙咖啡粉，落茶同咖啡粉會令顏色深啲，之後先加 Henna粉，溝埋一齊放一晚，到第二日再加蛋，等佢變稠，就可以用。」秀髮吸收蛋白質會更健康，亦可增添光澤。

染之前先洗頭及吹乾，令頭髮容易上色，將染料搽上頭之後，用保鮮紙包住，「 Henna維持喺個頭度愈耐，色就愈深，如果你染半個鐘，就可以維持十五日，一個鐘就可以有一個月左右。」

※警告※‧過敏反應
　蠶豆症是一種遺傳性的疾病，有蠶豆症的人不可以使用指甲花，因為指甲花醌會使蠶豆症患者產生溶血反應。對有蠶豆症的兒童，大量的使用指甲花塗抹在頭皮、手掌或腳底等，會引起嚴重的溶血危象，並可能危及患者的生命。患有蠶豆症的人，不可以服用指甲花，蠶豆症患者攝取食用指甲花，會有生命的危險。

※運送與費用※‧香港平郵郵寄免費。
‧香港掛號郵寄另加$13。